Ish-zëvendëskryeministri i Kosovës, Hajredin Kuçi, ka treguar se kush ka vendosur që kryeministri i atëhershëm, Hashim Thaçi ta lexojë deklaratën e Pavarësisë së Kosovës.
Kuçi në emisionin “Frontal” në T7 tha se përveç arsyes se Thaçi ishte fitues i zgjedhjeve të 17 nëntorit 2007, edhe ambasada amerikane ka qenë pro që Thaçi ta lexojë deklaratën e Pavarësisë.
“Vendimi që Thaçi ta lexojë deklaratën e Pavarësisë ka qenë i 17 nëntorit 2007, i zgjedhjeve, ka qenë fituesi i zgjedhjeve, ka qenë e logjikshme që ai me qenë lexues.
Por duhet ta pranojmë një fakt që përveç nesh që kemi pas vullnet. Unë kam qenë njëri prej negociatorëve po e quaj teknik, edhe me zgjedhjen e kryetarit të Kuvendit dhe të presidentit. Por duhet ta them edhe një fakt që edhe ambasada amerikane ka qenë që presidenti Thaçi ta lexojë deklaratën e Pavarësisë”, tha Kuçi.
Kujtojmë se sot Kosova feston 13 vjetorin e Pavarësisë.
