Mbrëmë (14 shkurt) rreth orës 01:30, efektivët e policisë të SPB Tetovë e kanë privuar nga liria 38-vjeçarin M.A. nga Tetova, për dyshimin e kryerjes së veprës penale “mosveprimi në përputhje me rregulloret shëndetësore gjatë një epidemie”, sipas Nenit 206 nga Kodi Penal.
Gjatë një aksioni kontrollues të kryer në objektin e tij hotelierik në dalje të Tetovës, janë gjetë 11 persona, përfshirë 5 nga Republika e Shqipërisë dhe 2 nga Republika e Serbisë.
Pas pastrimit dhe dokumentimit të plotë të çështjes kundër M.A. do të përgaditet parashtresë adekuate.
