Ministri turk i Mbrojtjes Ulusi Akar provokon Greqinë nga zyra e Turqisë në Libi.
Sipas asaj që citojnë mediat greke, Akar është shprehur se, pavarësisht nga gjendja e saj e dobët ekonomike, Greqia është angazhuar në një garë armatimesh, por numri i avionëve dhe anijeve që ka në plan të marrë nuk është i mjaftueshëm për t’u përballur me Turqinë.
“Pavarësisht nga problemet edhe nuk kanë për të ngrënë, pirë, veshur, pavarësisht nga ulja e pagave dhe kostoja e jetesës së popullit grek, ata janë kënaqur në një mënyrë të furishme për armatimet. Blini sa të doni anije, aeroplanë dhe nëndetëse, ato nuk mjaftojnë. Nuk janë të mjaftueshme. Çfarëdo që të ndodhë me popullin e dashur grek, do të ndodhë. Fqinjët tanë grekë po ndjekin një politikë të gabuar që do t’i shtojë edhe më shumë peshë ekonomisë së saj tashmë të keqe, do të jetë në dëm të prosperitetit dhe do të përkeqësojë jetën e njerëzve të saj”, tha ai.
“Turqia po përpiqet të gjejë zgjidhje politike brenda kornizës së marrëdhënieve të fqinjësisë së mirë dhe mbi bazën e ligjit ndërkombëtar në Egje, Mesdheun Lindor dhe Qipro”, tha Akar.
Më tej ai shtoi se: “Synimet mbi këtë çështje janë jashtëzakonisht të mira”, duke vënë në dukje se Turqia është e gatshme për bisedime me Greqinë, përsa i përket kontakteve eksploruese, bisedimeve ushtarake mbi masat e ndërtimit të besimit dhe brenda NATO për të mos përshkallëzuar tensionet.
