Ajo që vijon është një certifikim serioz që duhet të kalojmë si proces, brenda procedurës së anëtarësimit në NATO. Është shumë e rëndësishme për sigurinë e njerëzve dhe vendit tonë, por është gjithashtu e rëndësishme për sigurinë e të gjithë rajonit dhe të gjithë partnerëve tanë dhe Aleancës në përgjithësi. Ne tashmë kemi kaluar nëpër faza të caktuara të certifikimit që ishte e nevojshme edhe para anëtarësimit tonë të plotë në NATO, për kategori të caktuara të njerëzve që kanë punuar me dokumentet.
Kjo u deklarua nga Kryeministri Zoran Zaev në konferencën për shtyp me Sekretarin e Përgjithshëm të NATO-s Jens Stoltenberg, duke u përgjigjur në pyetjen e gazetarëve nëse transformimi i Ushtrisë së RMV-së është në përputhje me standardet e NATO-s dhe nëse parashikon largimin e oficerëve të lartë të ushtrisë.
“Unë besoj se këto procedura do t’i kalojmë gati në fushën e përparësisë sonë të parë, e cila është siguria, por edhe pjesëmarrja dinjitoze në sistemin e përgjithshëm të sigurisë së NATO-s do të zbatohet sa më profesionalisht, sepse ne punojmë me partnerë të cilët së bashku me shërbimet e sigurisë punojnë në të gjitha detajet në lidhje me përgatitjen, procedurat, certifikimin ose siç quhet vetingun që duhet ta kalojnë të gjithë”, tha Zaev.
Sekretari i Përgjithshëm i NATO-s Jens Stoltenberg, në përgjigjen e pyetjes së gazetarit nëse ka ndonjë problem me miratimin e përfaqësuesit ushtarak të Maqedonisë së Veriut në NATO, të kërkuar rreth dhjetë muaj më parë, tha se Aleanca ka standarde dhe udhëzime dhe sa herë që ka një anëtar të ri, ka procedura për të kaluar.
