Presidenti amerikan u konfirmua me koronavirus të premten dhe u shtrua në spitalin ushtarak Walter Reed. Donald Trump zhvilloi simptoma të etheve lodhjes dhe gulçimit menjëherë pas infeksionit. Fillimisht iu dha një koktej antitrupash pastaj Remdesivir dhe sot mjekët zbuluan se ai gjithashtu mori dozën e tij të parë të deksametazonit.
“Ne diskutuam nëse do të fillonim terapinë me deksametazon por arritëm në përfundimin se përfitimet ishin më të mëdha se pasojat e mundshme,” thanë ata. Deksametazoni është një kortikosteroid anti-inflamator i lirë dhe i disponueshëm gjerësisht.
Sipas një studimi nga Universiteti i Rimëkëmbjes në Oksford, ky lloj bari nuk ndihmon ata që kanë simptoma të lehta të COVID-19 ose ata që nuk kanë nevojë për ndihmë në frymëmarrje. Ai u tregua efektiv vetëm te pacientët që kishin nevojë për oksigjen dhe më tepër tek ata që ishin në respiratorë.
Deksametazoni ul vdekshmërinë te pacientët në aparate për frymëmarrje me një të tretën, dhe ata me oksigjen me një të pestën. Pacientët që nuk kishin nevojë për ndihmë të frymëmarrjes nuk kishin asnjë përfitim të provuar nga ilaçi.
“Ky është aktualisht ilaçi i vetëm që është treguar se ul ndjeshëm vdekshmërinë. Është një hap i madh përpara,” tha epidemiologu Peter Horby pranë Universitetit të Oksfordit.
