Brohoritje “Kosovo je Serbia” (shqip: “Kosova është Serbi”) janë dëgjuar sot në qytetin e Prizrenit.
Te Kisha e Shën Premtes, e njohur si Kisha e Levishës, është mbajtur ajo që është dukur të jetë një ceremoni festive nga një grup serbësh.
Ata janë fotografuar rreth orës 15, teksa po këndonin këngë provokuese dhe po mohonin pavarësinë e Kosovës.
Qarkullimi i automjete në rrugën ku ndodhet kisha ortodokse serbe është ndaluar për rreth 15 minuta nga Policia e Kosovës.
Zyrtarë të PK’së e ruajnë vazhdimisht Kishën e Levishës, që ndodhet në zonën historike të Prizrenit.
Kjo kishë ishte shndërruar në xhami, para se xhamia të bëhej përsëri kishë.
