Ministrat e Jashtëm të G20-s diskutuan sot heqjen e disa kufizimeve të udhëtimit dhe rihapjen e kufijve, të mbyllur për shkak të pandemisë COVID-19, që po mundon ekonominë globale, thanë ata në një deklaratë.
“Ministrat e Jashtëm kanë njohur rëndësinë e hapjes së kufijve, bashkimin e familjeve dhe vendosjen e masave për ta bërë ekonominë të lulëzojë”, shkruhet në deklaratë.
“Rihapja e kufijve, me të gjitha masat e nevojshme paraprake, do të ndihmojë popullatën dhe ekonomitë tona të përparojnë”, tha ministri saudit i Punëve të Jashtme, Princi Faisal ben Farhane, cituar në njoftimin për shtyp.
Në takimin virtual të kryesuar nga Arabia Saudite, ministrat diskutuan, gjithashtu, rëndësinë e bashkërendimit të masave parandaluese në kufij.
Sekretari i Përgjithshëm i Kombeve të Bashkuara Antonio Guterres, nga ana e tij, u bëri thirrje ministrave të G20-s të rrisin investimet për të mbështetur udhëtimin e sigurt, veçanërisht duke vendosur masa për të forcuar zbulimin dhe gjurmimin e rasteve të COVID-19.
