Ngjarjet do të mund të organizohen në ambient të hapur dhe me kapacitet prej 50%, duke zbatuar masat për mbrojtje nga korona virusi. Për publikun, në hapësira të mbyllura do të duhet të kenë nga një ulëse të zbrazur ndërmjet, ndërsa biletat do të shiten online.
Dje në Manastir është mbajtur protestë e qetë nga punëtorët e dasmave me pretekstin se ata janë më të goditur nga kriza.
“Kemi muzikantë, tani dorën në zemër nuk mund të them për shkak se kanë edhe punë tjera që kryejnë në mënyrë shtesë, por ka muzikantë që mbijetojnë vetëm nga dasmat, vetëm nga ahengjet. Nuk mundet një koncert prej 1500 personave, ndërsa punojnë për shembull kazinot, hotelet dhe muzetë, ndërsa për muzikantët të jetë problem”, tha Zait Aliu punëtor dasme.
Thonë se ndalesa për organizimin e ahengjeve do të ndikojë edhe në natalitetin në vendin tonë.
“Tani jemi dëshmitarë se mbahen festa familjare, dasma, nëpër shtëpi private mblidhen shumë njerëz në hapësirë të vogël, ku kushtet, higjiena dhe ventilimi janë nën nivelin në të cilin punojnë restorantet. Mendojmë se dasmat nuk janë rrezik i madh për virusin, për shkak se njerëzit që nuk mbajnë distancë më së shpeshti janë nga një familje, tha Bllagoj Mustrikovski, punëtor i dasmave.
Qeveria publikoi protokolle të reja për organizim të ndeshjeve sportive të cilat do të zhvillohen pa publik, ndërsa secili lojtar duhet të nënshkruajë deklaratë për përgjegjshmëri, ndërsa nevojitet edhe test negativ jo më i vjetër se 72 orë.
Sipas protokolleve të reja vazhdon me punë transporti ndër urban duke i respektuar masat e reja. Kapaciteti i automjetit do të ulet për 50%, hyrje dhe dalje do të jenë në derë të veçantë, në stacionet e autobusëve të shënohen pika ku do të qëndrojnë udhëtarët, ndërsa pas mbarimit të udhëtimit, të bëhet dezinfektim mekanik i automjetit.
Në seancën e fundit të Qeverisë janë sjellë edhe protokolle për vallëzime dhe klubet e baletit, bibliotekat, galeritë dhe sallonet e ekspozitave.
