Dy pjesë të reja nga biseda mes liderit të VMRO-DPMNE-së Hristijan Mickovskit dhe Zoran Milevski- Kiççeec sot janë publikuar në Youtube. Bisedojnë për Sasho Mijallkovin dhe biznesmenin Orce Kamçev. Mickovski në bisedën e incizuar sqaron se i vetëm po lufton që ligji për prokurori publike të mos kalojë, sepse me këtë ligj zgjidhet statusi i PSP-së dhe nuk ndërpritet hetimi për rastin “Perandoria” ku të akuzuar janë Mijallkov dhe Kamçev.
Luftoj vetë që PSP të mos kalojë, automatikisht edhe lënda “Perandoria””,thotë Hristijan Mickoski- lider i VMRO DPMNE-së.
Rastin “Perandori” e nisi PSP. Por, pas aferës “Reket”, hetimi u ndërpre. Nga Prokuroria për krim të organizuar dhe korrupsion sigurojnë që punojnë në hetim, edhe atë me ritëm më të përshpejtuar. Për shkak të koronavirusit, nuk janë thirrur në Prokurori dëshmitarët për këtë rast.
U morëm vesh me kolegen Smaqoska dhe Lile Stefanova që në periudhën e ardhshme të intensifikohet puna lidhur me këtë lëndë”-theksoi Villma Ruskoska, prokurore.
Për bisedat e fundit reaguan tetë deputetët e larguar nga VMRO DPMNE. Thonë se inçizimet kanë treguar se Mickoski e ka penguar ligjin e ri për prokurorinë që të mbrohet krimi, dhe nga kjo të ketë dobi financiare. Sipas tyre, Mickoski e ka bindur përbërjen e mëparshme të VMRO DPMNE-së në Kuvend të mos e votojnë ligjin, sepse në këtë mënyrë do t’i shpëtonte ata nga përndjekja.
