Ministri i Punëve të Brendshme Naqe Çulev, është përgjigjur në lidhje me atë se MPB nuk ka qenë në krye të detyrës gjatë pandemisë, gjegjësisht nuk ka reaguar në grupimin e qytetarëve.
Ai tha se kur bëhet fjalë për festa familjare në objekte shtëpiake, MPB nuk mund të reagojë pa urdhër nga Prokuroria, përcjell Telegrafi Maqedoni.
“Prokuroria në raste na ka dhënë urdhra të tilla, ndërsa në të tjera jo. Në rastet nuk nuk kemi mundur të reagojmë menjëherë, kemi gjetur personat dhe janë ftuar në stacion policor. Është e nevojshme që qytetarët vetë të jenë të ndërgjegjshëm dhe të zbatojnë masat”, tha Çulev.
Ai thotë se me afrimin e zgjedhjeve do të hapen edhe kufijtë dhe qytetarët do të duhet të jenë të vetëdijshëm për rrezikun e infektimit.
