Fushata zgjedhore do të fillojë më 24 qershor dhe do të përfundojë më 12 korrik kurse zgjedhjet do të realizohen për tre ditë radhazi. Më 13 korrik do të votojnë personat në izolim dhe vetëizolim, përfshirë edhe ata pozitiv me virus. Për këtë, KSHZ-ja obligohet që të formojë këshilla zgjedhor të përbërë nga tre nëpunës shëndetësor të cilët do të zbatojnë votimit më 13 korrik.
https://www.youtube.com/watch?v=VdRPQxJgtFw&feature=emb_title
“Sapo t’i formojmë këto këshilla zgjedhor, do të bëjmë edukim e tyre konkretisht vetëm për ditën e votimit të personave të sëmurë me COVID- deklaroi Elizabeta Postollovska, anëtare e KSHZ-së.
Më 14 korrik do të votojnë personat e sëmurë dhe të sëmurët kronik të cilët gjithmonë votojnë një ditë përpara ditës së zgjedhjeve. Më 15 korrik, votimi do të fillojë si zakonisht në ora 7 të mëngjesit por do të zgjasë deri në ora 21. KSHZ-ja, në bashkëpunim me autoritetet shëndetësore, do të përpilojë protokollet për mbrojtje nga infektimi.
“Shumë e rëndësishme për vendin tonë është të dilet në votime, të votohet në gjatë këtij procesi zgjedhor, që vendi jonë në fund të vlerësohet nga të gjithë vëzhguesit, gazetarët ose vëzhguesit vendas, si shtet që në kushte të jashtëzakonshme për procesin që ka organizuar- deklaroi Oliver Derkoski, kryetar i KSHZ-së.
Për shkak të punës së komplikuar gjatë këtij procesi, KSHZ-ja do të shqyrtojë mundësinë e rritjes së kompensimit për të gjithë anëtarët e trupave zgjedhor.
“Kemi kursyer mjaftë mjete sepse nuk u plotësuan kushtet ligjore për votim në diasporë kështu që të gjithë këto mjete planifikojmë t’i destinojmë për rritjen e kompensimeve të këshillave zgjedhor dhe Komisioneve Komunale Zgjedhore- pohoi Boris Kondarko, anëtar i KSHZ-së.
Gjatë fushatës, radiodifuzerët mund të transmetojnë gjithsej 14 minuta program të paguar politik për një orë reale. Gjashtë minuta u takojnë dy partive më të mëdha në pushtet, gjashtë minuta dy partive më të mëdha në opozitë dhe dy minuta partitë e tjera.
