Një burrë në SHBA është arrestuar nga policia, pasi la dy fëmijët e tij brenda një kamionçine për pesë orë dhe si rezultat ata kanë ndërruar jetë.
Duestin Lee Dennis, 31 vjeç, do të përballet me dy akuza për vrasje të shkallës së dytë, pas vdekjes së dy fëmijëve Teagan 4 vjeç dhe Ryan 3 vjeçe.
Mësohet se Dennis ka thënë në polici se kishte shkuar me automjet në dyqan, më pas u kthye në shtëpi për të marrë një sy gjumë për pesë orë. Kur u zgjua u kujtua se fëmijët i kishte lënë të mbyllur në makinë, por ishte tepër vonë pasi ata kishin ndërruar jetë për shkak të temperaturës së lartë.
