Hamasi ka thënë se me njohjen e Jerusalemit si kryeqytet të Izraelit dhe me vendimin për të transferuar ambasadën atje, Donald Trump ka hapur “dyert e ferrit”.
“Vendimi i Trump për Jerusalemin nuk do të ndryshojë faktin se Jerusalemi është tokë arabe”, tha një zëdhënës i një grupi militant që vepron në Gaza.
Zëdhënësi tha se “ky vendim është i pamend dhe koha do ta dëshmojë se humbësit më të mëdhenj janë Trump dhe Kryeministri i Izraelit, Benjamin Netanjahu”.
Grupi gjithashtu bëri thirrje në mënyrë të përsëritur për një “ditë të zemërimit palestinez” më 8 dhjetor.
Senatori republikan Lindsey Graham menjëherë tregoi në Twitter mbështetjen e tij për vendimin e Trump, duke shkruar: “Unë mbështes plotësisht vendimin e Administratës Trump për ta njohur Jerusalemin si kryeqytet të Izraelit, sepse kjo deklaratë pasqyron realitetin në terren për 3,000 vitet e fundit”
