Komisioni Shtetëror i Zgjedhjeve (KSHZ) do t’i ndërmarrë të gjitha aktivitetet e nevojshme – teknike dhe administrative për përgatitjen e veprimeve zgjedhore për zgjedhjet e ardhshme të parakohshme parlamentare në pajtim me Dekretin e Qeverisë me fuqi ligjore.
Kryetari i KSHZ-së, Oliver Derkoski në seancën e sotme të komisionit tha se në bazë të Dekretin dhe në pajtim me Kodin zgjedhor, do të jepet kërkesë deri tek Ministria e Punëve të Brendshme dhe deri tek drejtoritë për sanksione dhe për udhëheqjen e librave të amzës për grumbullimin e të dhënave të nevojshme.
Në pyetje të gazetarëve, Derkoski deklaroi se në pajtim me Kodin zgjedhor KSHZ-ja nuk e përcakton datën për zgjedhje.
“KSHZ-ja është çdoherë e gatshme për zgjedhje për organizimin e zgjedhjeve në afate të përcaktuara ligjore. Për momentin, theksoi, punojnë në dislokimin e vendvotimeve në pajtim me udhëzimet e autoriteteve shëndetësore. Si Komision, do të bëhen përpjekje maksimale për t’i siguruar kushtet e nevojshme në pajtim me protokollet nga autoritetet shëndetësore dhe në pajtim me aktet e tyre që do t’i sjellin më tutje”, tha Derkoski.
