Në vend dje u regjistruan 111 raste të reja nga KOVID-19, ndërsa deri më tani numri i rasteve aktive është 1 226. Dy persona ndërruan jetë – një paciente nga Struga në moshë 53-vjeçare dhe një pacient nga Prilepi në moshë 80-vjeçare. Gjashtë pacientë janë shëruar.
Numri më i madh i rasteve të reja janë në Shkup – 63, më pas pasojnë Kumanova – 11, Shtipi – 12, Tetova – 8, Velesi – 3, Ohri – 1, Gostivari – 3, Kriva Pallanka – 1 dhe Koçani – 9.
Numri i përgjithshëm i rasteve të diagnostikuara me Kovid-19 në vendin tonë prej fillimit të epidemisë paraqet 3 025, numri i të shëruarve është 1 646, ndërsa i të vdekurve 153.
Sipas komunave, raste aktive në Shkup, më së shumti ka në Çair – 152. Në Butel janë 59, Gazi Babë – 58, Aerodrom – 53, Saraj – 52, Qendër – 52, Karposh – 40, Kisella Vodë – 29, Haraçinë – 23, Studeniçan – 18, Gjirçe Petrov – 17, Ilinden – 17, Shuto Orizarë – 12, Petrovec – 6, Çuçer Sandevë – 3, Sopishte – 2.
Në Klinikën infektive gjithsej janë hospitalizuar 62 pacientë. Prej tyre 27 janë të sëmurë rëndë dhe ndodhen në mbështetje oksigjeni. Në SPQ “8 Shtatori” gjithsej janë të hospitalizuar 41 pacientë. Në makinë respiratore janë tetë, ndërsa me pasqyrë më të rëndë klinike janë shtatë pacientë.
Në spitalin në Manastir janë të hospitalizuar 13 pacientë, ndërsa në mjekim shtëpiak përmes spitalit po ndiqen dy pacientë. Në spitalin në Shtip janë të hospitalizuar 22 pacientë. Në repartet infektive në Tetovë, Ohër, Veles, Kumanovë dhe Prilep janë hospitalizuar 30 pacientë – pozitivë dhe të dyshimtë me Kovid-19.
Në suaza të skriningut në kopshte përmes QSHP Shtip dhe Koçan dje nëntë teste të të punësuarve në kopshtet në Koçan janë pozitivë me KOVID-19.
Deri më tani në vend janë bërë gjithsej 36.325 testime për Kovid-19./ Shenja
