Në mesin e nëntë personave me Covid-19 në Vushtrri, është edhe një fëmijë dy vjeçar.
Lajmin e ka bërë të ditur kryetari i kësaj komune, Xhafer Tahiri.
“Në mesin e të infektuarve kemi edhe një fëmijë 2 vjeçar, natyrisht kjo është pjesa e dhimbshme e krejt përballjes me virusin, por gjendja e të gjithë pacientëve paraqitet e mirë dhe lutemi dhe shpresojmë që të shërohen sa më shpejt dhe të mos kenë komplikime të tjera”, ka thënë Tahiri.
Tahiri ka treguar se sot i presin rezultatet edhe për 39 rast të dyshimtra, kontakte të personave të infektuar.
