Përfaqësuesi i Lartë i Bashkimit Evropian për Politikë të Jashtme, Josep Borell dje në një intervistë ka deklaruar se nuk është kundër ndryshimit të kufijve mes Kosovës dhe Serbisë nëse dy vendet merren vesh për këtë.
Por deklarata e tij ka nxitur reagimin e personaliteteve dhe politikanëve të ndryshëm.
Ben Hodges, ish-komandant i Ushtrisë amerikane në Evropë ka reaguar ndaj deklaratës së Përfaqësuesit të Lartë të Bashkimit Evropian, Josep Borell.
Ai ka shkruar në Twitter se pajtohet që Evropa dhe ShBA-ja duhet t’ua japin hapsirën dy presidentëve të Kosovës dhe Serbisë që të gjejnë një zgjidhje.
“Pajtohem. BE’ja dhe SHBA’ja duhet mundësojnë hapësirë për dy presidentët për të gjetur zgjidhje lokale. Jo vija të kuqe apo ligjërata nga të jashtmit. Në vend të kësaj jepni atyre shpresë për integrim perëndimor, mbrojini ata nga efektet shkatërruese të Kremlinit, SOC dhe mosmarrëveshjeve të brendshme”, ka shkruar Hodges në Twitter.
Agree. EU and the US should provide space for the two Presidents to come up with local solutions; no red lines/lectures from outsiders; instead give them some hope for western integration, protect them from disruptive, malign effects of the Kremlin, the SOC, and internal dissent. https://t.co/NSEDYdpF3z
— Ben Hodges (@general_ben) May 5, 2020
