Zëvendëskryeministri Haki Abazi thotë se me kërkesën për mocion mosbesimi ndaj qeverisë së udhëhequr nga Albin Kurti, Lidhja Demokratike e Kosovës po i bashkohet kapjes së shtetit.
Nëpërmjet një shkrimi në llogarinë e tij në Facebook, Abazi, një ditë para seancës së Kuvendit ku rend i ditës është votimi për mosbesim ndaj qeverisë, ka publikuar fotot e anëtarëve të vrarë të LDK’së.
Ai thotë se votuesit e Kosovës nuk kanë votuar për vazhdimin e kapjes së shtetit, gjë për të cilën ai akuzon LDK’në që po e bën në bashkëpunim me presidentin Hashim Thaçi.
Shkrimi i plotë i Abazit në Facebook:
Gjithëmonë kam shtruar pyetje pse as edhe një rast i vetëm i të vrarëve të LDK për 20 vite nuk është gjetur, as edhe një hetim nuk është bërë. Tani në fakt e kam kuptuar pse dhe në dorë të kujt ka mbetur LDK. Nesër LDK e mbetur i bashkohet Thaçit dhe PDK kundër interesit të vendit dhe për vazhdimin e kapjes së shtetit. Për cilin opcion kanë votuar votuesit? Jo për vazhdimin e kapjes sigurisht!
LDK kërkoi mocion mosbesimi ndaj qeverisë së udhëhequr nga Albin Kurti, pasi ky i fundit shkarkoi ministrin e Punëve të Brendshme që vinte nga radhët e LDK’së, Agim Veliu.
https://www.facebook.com/haki.abazi/posts/10156912250285718
Share Now
