Kreu i opozitës VMRO-DPMNE, Hristijan Mitskoski, sot në një konferencë për shtyp i kërkoi kryetarit të LSDM-së, Zoran Zaev, siç tha, që menjëherë të tërheqë propozimin për shkurtimi e pagave të punonjësve të administratës, sepse me këtë, sipas tij, kriza do të thellohet.
Mickoski paralajmëroi se VMRO-DPMNE-ja propozon një plan se si të vihet deri një miliardë euro për të ndihmuar ekonominë pas përfundimit të situatës me koronavirusin.
Ai tha se është i shqetësuar pasi e dëgjoi planin e Zaevit, duke vlerësuar se masat për të mbështetur ekonominë si pasojë e koronavirusit janë të vonuara dhe të pamjaftueshëm dhe se ato nuk do të jenë të vërteta për ato që i duhen ekonomisë.
Zaev, sipas liderit të partisë opozitare, duke i propozuar këto masa ka treguar që sistemi është tapë, jo siç partia qeverisëse ka bindur dhe kjo sipas tij, nuk mund të maskohet në konferencat për shtyp.
Vendi, thotë Mickoski, ka kaluar shumë probleme që nga pavarësia, por kurrë nuk janë prekur pagat e punëtorëve.
“Zaevi me këtë plan përpiqet ta mbulojë paaftësinë e Qeverisë”, tha mes tjerash ai.
Shkurtimi i pagave do të thotë një goditje serioze ndaj standardit të të punësuarve dhe, siç tha Mickoski, duhej të kishte filluar nga funksionarët, jo nga punëtorë, të cilët ndoshta kanë hua dhe shpenzime të tjera. Përveç kësaj, shton ai, është një masë që është ekonomikisht e padobishme dhe që do të ndikojë në konsumin në ekonomi.
Masat e tjera të Zaevit të dedikuara për biznesin, sipas liderit të opozitës, janë amatore dhe nuk janë mjaftueshëm të menduara mirë dhe nuk do të japin efektin e dëshiruar.
“Kjo është larg nevojave reale të ekonomisë”, tha Mickoski.
Në konferencën për shtyp, ai theksoi se propozimet e VMRO-DPMNE-së në drejtim të mbështetjes së ekonomisë në situatën e Kovid dhe si Qeveria të mund të arrijë deri një miliardë euro.
“Shteti të mbulojë deri në 50 për qind të bruto shpenzimeve të punonjësve sipas bazës së neto pagave dhe kontributeve, e jo vetëm pagat neto siç është propozuar nga LSDM-ja. Kërkojmë tërësisht të ngrihen pagesa në këste, në bazë të shlyerjes të kryegjësë dhe interesit të qytetarëve dhe bizneseve ndaj bankave dhe huadhënësve. Kërkojmë që Qeveria menjëherë të heqë dorë nga shpenzimet joproduktive nga buxheti dhe realizimi intensiv i pakushtëzuar i investimeve kapitale. Kërkojmë nga Qeveria të mbulojë sektorin e transportit me heqjen e pagesë së taksave rrugore dhe dhe taksave doganore, si dhe vendim për heqjen e të gjitha detyrimeve doganore dhe tatimeve për furnizim të maskave shëndetësore, preparatave dhe pajisjeve të nevojshme për trajtimin e koronavirusit”, tha Mickovki.
