Komisioni Shtetëror i Zgjedhjeve nga fillimi i vitit ka lidhur gjithsej 30 kontrata për prokurim publik. Nëntë prej tyre janë bërë në katër sy ose pa tenderë, tregojnë të dhënat e Byrosë për Prokurim Publik. Nga këto marrëveshje për të cilat raportohet se janë nënshkruar me një procedurë pa shpallje paraprake të konkursit, më e madhe është ajo për dezinfektimin e vendvotimeve për mbrojtje nga KOVID 19. Vlen 17 milion denarë ose rreth 277 mijë euro.
Nga kontratat për të cilat ka pasur tenderë, më e larta është ajo për shtypjen e fletëve të votimit. Vlen 28 milionë denarë ose 455 mijë euro. Ndër marrëveshjet më të larta është ajo për transportin e materialit zgjedhor.
Byroja për prokurime publike
“9 milionë euro për transportimin e fletëvotimeve
2 milionë e 217 mijë denarë për llambat ultravjollcë dhe sprejin ultravjollcë
1 milionë denarë për karburant
960 mijë denarë për doracakë për edukim”.
Nëse mblidhen të gjitha marrëveshjet që janë të publikuara në Byronë e prokurimeve publike, KSHZ deri më 15 korrik ka shpenzuar mbi 1 milionë euro. Me rebalancin e buxhetit më 15 maj, KSHZ-së iu shkurtuan mjete, por jo për procesin zgjedhor. KSHZ dispononte me 10 milionë e gjysmë, prej të cilave 9.2 milionë lidhen me procesin zgjedhor.
