Me një look të ri, Berlusconi i cili prej vitesh ka bërë ndërhyrje në fytyrë shfaqet dorë për dore me deputeten e re të Forza Italia në kopshtin e vilës në Arcore, si për të treguar se lidhje me të është serioze.
85 vjeçari është në një histori dashurie me të prej më shumë se një viti. Të dy u shfaqën bashkë, pa asnjë kompleks (e pse duhet të kishte) në festën e ditëlindjes se Berlusconit, ku ka ftuar miqtë më të mirë, nipërit e mbesat.
Gruaja që i ka marrë zemrën Berlusconit e që shfaqet në foto quhet Marta Fascina, 31 vjeçe. Ajo është deputete e Forza Italia që nga viti 2018. E veshur me një fustan ngjyrë blu e hapur, me jakë të tyltë me ngjyrë të bardhë ka zgjedhjë të jetë edhe kombinuar me kostumin e Silvio Berlusconit, ose ky i fundit me të dashurën e tij.
Por si nisi historia e tyre e dashurisë?
Ish-kryeministri italian Silvio Berlusconi i dha fund marrëdhënies 12-vjeçare me Francesca Pascale-n në vitin 2020. Dhe shkaku ishin ndjenjat që kishte krijuar ndaj Marta Fascina-s. Me Martën, Berlusconi njihej prej kohësh që kur ajo punonte në fondacionin e Milanit.
Një foto e Berlusconit në shtrat postuar mesa duket padashje nga e dashura e tij Marta, xhiroi rrjetin. Marta e fshiu sërish, por dikush që e ndiqte në rrjetet sociale e tepër i shpejtë e ruajti foton që bëri bujë prej ditësh në rrjet.
Fotot e Berlusconin me Martën, të cilët kanë diferencë prej 54 vitesh qarkulluan në fakt prej vitit të kaluar, ku u fotografuan herën e fundit duke pushuar bashkë në Sardenja.
