Njësia për Tregtinë me Qenie Njerëzore dhe Kontrabandën e Migrantëve pranë OSOSK të MPB-së, në bashkëpunim me prokurorin publik kompetent dhe hetues nga Qendra Hetimore pranë Prokurorisë Themelore Publike për Ndjekjen e Krimit të Organizuar dhe Korrupsionit, realizuan mbrëmë (30 nëntor) një aksion në të cilin janë arrestuar katër persona.
Konkretisht, për shkak të dyshimeve të bazuara se kanë kryer vepra penale – “Ndërmjetësim në ushtrimin e prostitucionit” dhe “Pastrimi i parave dhe të ardhurave të tjera nga vepra të dënueshme”, janë arrestuar personat: D.J.N.M. (34), M.M. (57) dhe S.D. (47).
Ndërkohë, i dyshuari i katërt, N.M. (23), është arrestuar për veprën penale “Pastrimi i parave dhe të ardhurave të tjera nga vepra të dënueshme”.
Sipas të dhënave të deritanishme, që nga dhjetori i vitit 2023, e dyshuara e parë, shtetase braziliane me leje të përkohshme qëndrimi në RMV, së bashku me të dyshuarin e dytë dhe të tretë – shtetas të Maqedonisë së Veriut, si dhe me dy persona të paidentifikuar nga Republika e Portugalisë, me qëllim përfitimi material, kanë organizuar me qëllim rekrutimin, pranimin, transportimin dhe akomodimin e femrave nga Brazili.
Gjatë periudhës së përmendur, të dyshuarit kanë pranuar pesë gra nga Brazili, të moshës 26 deri 38 vjeç, në Maqedoninë e Veriut për qëllime prostitucioni. Ato janë strehuar në apartamente të marra me qira në kompleksin “Jevahir Holding” në Shkup.
Gratë ofronin shërbime seksuale për klientët, të cilët vendosnin kontakt përmes një faqeje ndërkombëtare të internetit, e cila ishte e dedikuar për ofrimin e vajzave eskortë në mbarë Evropën.
Sipas njoftimit të MPB-së, në një faqe ndërkombëtare të internetit, vajzat kishin krijuar profile ku ishin publikuar numra telefoni, lista çmimesh për shërbime seksuale dhe të tjera shtesë, si dhe fotografi me përmbajtje eksplicite.
E dyshuara e parë, një shtetase braziliane, kontrollonte profilet e vajzave dhe kontaktonte me klientët potencialë. Ajo organizonte orarin e klientëve, përcaktonte kohëzgjatjen dhe natyrën e shërbimeve, miratonte kërkesa shtesë nga klientët dhe garantonte sigurinë e vajzave. Nga të ardhurat e fituara, ajo përfitonte 30%, të cilat i ndante me dy të dyshuarit e tjerë, që kujdeseshin për pranimin, transportin, akomodimin dhe nevojat e përditshme të vajzave.
Vajzat, të moshës 26 deri në 38 vjeç dhe të gjitha nga Brazili, ishin strehuar në apartamente të marra me qira në kompleksin “Jevahir Holding” në Shkup, ku ofronin shërbimet e tyre për klientët që kontaktonin përmes faqes së internetit. Rasti tashmë është në ndjekje nga autoritetet, ndërsa të dyshuarit janë arrestuar dhe përballen me akuzat për veprat penale të ndërmjetësimit në prostitucion dhe pastrimit të parave.
Me qëllim për të fshehur burimin e vërtetë, lokacionin, vazhdimin dhe pronarët e vërtetë të fondeve të fituara nga kryerja e veprës penale “Përfshirje në prostitucion”, e dyshuara kryesore ka dërguar një pjesë të parave, në shumën prej 26.151 euro, përmes një sistemi transferimi elektronik në Maqedoninë e Veriut, tek katër persona në Portugali dhe tre persona në Brazili. E dyshuara e dytë, nga ana tjetër, në dy raste ka transferuar një pjesë të fondeve të fituara nga vepra penale, në shumën prej 3.000 USD, tek një person në Norvegji, dhe ka bërë disa pagesa në para cash për qira apartamentesh në shumën prej 440 euro, si dhe ka bërë pagesa të tjera cash për nevojat e tij dhe të vajzave. I dyshuari i tretë ka dërguar, përmes një nën-agjenti për transferimin e parave, shumën prej 1.965 euro në llogarinë e e dyshuarës kryesore në Portugali, si dhe 150 euro ka dërguar tek një individ në Kolumbi.
I dyshari i katërt, e cila ka përdorur shërbime seksuale nga njëra nga vajzat, me miratimin e të parës dhe me një shpërblim financiar prej të paktën 5000 euro për çdo udhëtim, ka udhëtuar me vajzën në Romë dhe Londër. Pasi fitoi besimin e vajzës, për të futur në qarkullim dhe për të fshehur origjinën e parave që vajza i kishte fituar duke kryer veprën penale “Prostitucioni”, i krijoi një profil përdoruesi në një platformë tregtare për kriptovaluta, ndonëse ai e dinte që paratë vajza i kishte fituar me veprimtari të kundërligjshme. Përmes këtij profili dhe duke pasur një portofol elektronik (wallet), vajza mund të bënte transaksione pa pengesë dhe të fshehte burimin e parave.
Sipas urdhrave të lëshuara nga një gjykatës i procedurës paraprake në Gjykatën Themelore të Shkupit, punonjës të policisë nga Shkupi dhe Kumanova kryen pesë bastisje në shtëpi dhe hapësira të tjera që janë në lidhje me personat e denoncuar. Gjatë bastisjeve, janë sekuestruar 10 telefona mobilë, shtatë karta SIM, një laptop, dy armë zjarri (dy pistoleta), një shumë parash në valutë dhe denarë (2480 euro, 20 paund, 27.100 denarë), dokumente të ndryshme (gjashtë dëshmi për transfer të shpejtë parash, marrëveshje për qira apartamenti, katër karta bankare) dhe të tjera.
