66 vjeçari që ditë më parë ndërroi jetë në banesën e tij në Manastir nuk ishte me koronavirus, pasi që rezulttet e testit kanë treguar se ai ka dal negativ. Kjo u bë e ditur nga Ministria e Shëndetësisë.
“I ndjeri, i moshës 66-vjeçare, që më 30 mars nga ana e MPB-së, gjatë kontrollit rutinor në izolim shtëpiak, ishte gjetur pa shenja jete në shtëpinë e tij në Manastir, është negativ në virusin korona”, theksoi Ministria e Shëndetësisë.
Ai ka qenë në izolim shtëpiak pas mbërritjes së tij nga Anglia, 14 ditë më parë. Por në ditën kur duhej të dilte nga izolimi, gjegjësisht më 30 mars, ai u gjet i vdekur në shtëpinë e tij nga ana e policëve. Siç mësohet ai ka qenë diabetik dhe me hipertension.
