Një tjetër rast i trafikut të drogës drejt Greqisë është goditur nga policia helene mëngjesin e sotëm.
Mësohet se në aksin rrugor Janinë-Athinë, në vendin e quajtur Komboti, pranë Artës është ndaluar një 56-vjeçar shqiptar.
Gjatë kontrollit të mjetit me të cilin ai udhëtonte, policia ka gjetur të fshehur në pjesën e shasisë dhe kabinës, 36 pako me kanabis që në total peshojnë 40.7 kg.
Policia greke ka arrestuar shqiptarin, që akuzohet për importimin dhe transportimin e një sasie e lëndëve narkotike, me qëllim trafikimin.
