E kush nuk është vendosur të paktën një herë në siklet nga postimet e dikurshme që ka bërë në Facebook? Tani risia e Facebook ofron lehtësira në “zhdukjen” e këtyre postimeve.
Për herë të parë platforma do t’u mundësojë përdoruesve të zgjedhin më shumë se dy postime të kaluara dhe t’i fshijnë ato në grup, ndryshe nga si ishte më parë, që do të duhej t’i fshije një nga një.
“Ne e dimë që gjërat në jetën e njerëzve ndryshojnë dhe duam t’ua bëjmë më të thjeshtë kurimin e prezencës tuaj në Facebook, duke bërë që të reflektohet më së miri ai/ajo që ju jeni”, -kanë thënë përfaqësues të kompanisë.
