Një 31-vjeçare ka rrëshkitur dhe ka rënë për vdekje nga një shkëmb 40 metra i lartë, teksa pozonte për një foto në një rezort në Turqi.
Kazakia Olesya Suspitsyna u zhduk para syve të shoqes së saj që po bënte foton, në rezortin turistik të Antalia në jugperëndim të vendit.
Incidenti ndodhi të dielën, kur qeveria hoqi karantinën e ashpër të vendosur në qytet prej koronavirusit.
Dy vajzat kishin dalë për një shëtitje në parkun piktoresk Duden, i njohur për ujëvarat e tij, pas disa javë karantine absolute.
Për të bërë foton në kulmin e shkëmbit Olesya kishte kaluar gardhin e sigurisë, me qëllim që të kishte në sfond ujëvarat.
Por ajo tragjikisht humbi ekuilibrin dhe ra për vdekje në humnerë.
Shoqja e saj e tmerruar thirri shërbimet e emergjencës, të cilat më vonë gjetën trupin e saj dhe e nxorrën nga uji.
Olesya kishte punuar si guidë turistike për pesë vjet në këtë qytet.
Ajo do të varroset në qytetin e lindjes Kostanay, sipas raportimeve.
