Njëmbëdhjetë persona janë lënduar gjatë një aksident trafiku në rrugën Gostivar-Kërçovë, rreth orës 14. Një person me lëndime më të rënda është dërguar për trajtim në Qendrën e Urgjencës në Klinikën e Shkupit.
Pas ndërprerjes së qarkullimit për gati dy orë, trafiku përsëri po vazhdon normalisht në të dy drejtimet. Sipas të dhënave paraprake të inspektimit në vendin e aksidentit, pranë guroreve të hapura, raportohet se është përplasur një minibus dhe dy makina të pasagjerëve.
